اهلا وسهلا بزوارنا الكرام ارجو منكم ان تفيدوا و تستفيدوا

الساعة الآن

المواضيع الأخيرة

»  منتدى انور ابو البصل الاسلامي يتشرف بزيارتكم والانتساب اليه
الخميس أبريل 23, 2015 9:15 pm من طرف صبر جميل

»  طور منتداك في منتدى العرب اشقاء
الخميس أبريل 23, 2015 9:01 pm من طرف صبر جميل

» avira_antivir_personal_free.exe من رفعي
الثلاثاء أبريل 14, 2015 7:40 pm من طرف صبر جميل

» صو برشلونة
الثلاثاء أبريل 14, 2015 7:40 pm من طرف صبر جميل

» الحضارة الاغريقيةا
الثلاثاء أبريل 14, 2015 7:39 pm من طرف صبر جميل

» الإمســـــــــــــــــــــــــــــــــــــــــاك
الثلاثاء أبريل 14, 2015 7:38 pm من طرف صبر جميل

»  ملخص مادة الاقتصاد bac2012
الثلاثاء أبريل 14, 2015 7:37 pm من طرف صبر جميل

» هام جدا لكل مقبل على إمتحان البكالوريا
الثلاثاء أبريل 14, 2015 7:37 pm من طرف صبر جميل

» مواضيع جريدة الخبر لبكالوريا 2012 - متجدد كل يوم -
الثلاثاء أبريل 14, 2015 7:37 pm من طرف صبر جميل


    العراق

    شاطر

    معزالدين
    المدير
    المدير

    . :
    عدد المساهمات : 182
    العمر : 19
    الدولة : الجزائر بلد العزة و الكرامة
    المزاج :
    الساعة الآن :

    متميز العراق

    مُساهمة من طرف معزالدين في الأحد أغسطس 22, 2010 1:36 am




    علم الجمهوريه العراقيه



    العراق (اسم الدوله الرسمى بالعربى: الجمهورية العراقية; كوردى: كۆماری عێراق، Komara Îraqê; بالتركمانى: Irak Cumhuriyeti; ‏ارامى حديث:ܥܸܪܵܩ) هيا دوله في جنوب غرب آسيا و بتشترك في الحدود مع توركيا و ايران و الكويت و الاردن و السعودية و سوريا و ليها ساحل صغير خالص (58 كم) على الخليج الفارسى. العراق بيمر فيها نهرين اساسيين هما دجله و الفرات و اللى ساعدو في قيام الحضاره على ضفافهم و لسه لحد دلوقتي بيمدو العراق بالمايه الحلوه اللي بتسمح بالزراعه. العاصمه بتاعة العراق هيا بغداد و مكانها في وسط-شرق العراق.
    منطقه ميسوبوتاميا Mesopotamia (منطقة ما بين النهرين) اللى العراق فى جزء فيها دلوقتى عاشت فيها حضارات و شعوب و امم كتيره على مدى قرون. سادتها و حكمتها الامبراطوريات الاكاديه و الاشوريه و البابليه و الفارسيه و اليونانية و الرومانيه و المغوليه، و كانت بغداد مقر الخلافه العباسيه لغاية ما هد القائد المغولى هولاكو بغداد سنة 1258 و من بعده دمرها تيمورلنك سنة 1400 و بعدين غزاها الفرس سنة 1508 و اتناوب على حكمها الفرس و الترك لغاية ما استولى عليها الاتراك العثمانيين و قسموها على 3 ولايات و فى سنة 1917 استولت عليها بريطانيا و فى 2003 غزتها امريكا. الجزيرة كانت الإسم اللى بيطلقه المؤرخين العرب على العراق و نواحيها.
    التاريخ القديم
    ميسوبوتاميا 2300 ق.م



    منطقة ما بين النهرين (ميسوبوتاميا) اللى من ضمنها العراق الحالى بتعتبر من اول المناطق فى العالم اللى نشئت فيها حضاره. ابتدى تأسيس مجتمعات فى منطقة مابين النهرين لما بدأ الناس يستوطنو المنطقه من حوالى 8000 سنة، و شويه شويه ظهرت مراكز حضاريه مع اول مستوطنه بشريه فى أوروك في جنوب العراق الحالى اللى بنى سكانها لنفسهم بيوت من الطوب اللبن و معابد زينوها بالمعادن النفيسه، و بعد شوية اخترعوا الكتابة المسمارية و بدأو يستخدموها في السجلات و العقود بتاعة البيع و الشرا. بيعتبر السومريين اللى جم من الهند او أواسط اسيا اول اللى استقرو في المنطقه دى وشويه شويه كبرت الدوله و وصلت لغاية نهر الفرات و اتبنت مدينة ايزين، و بعد كدة مدن كيش و اور و لارسا، ولما جم الاكاديين وهما شعوب سامية آرية على سومر و عاشوا معاهم حوالي سنة (2350 ق.م) بقيادةالقائد الاكادى سرجون اللى استولى على المنطقه و اسس مدينة اكاد واسس امبراطوريه وفضلت الاوضاع كدة لغاية ما جه الجوتيين سنة(2218 ق.م)، والجوتيين دول شعب كان عايش في المنطقة الشرقيه و بعد كده رجع تاني السومريين و حكمو المنطقه من جديد لغاية ما جه العيلاميون ودول من الاهواز فى شرق العراق الحالى و غرب ايران الحاليه ودمروا أور و ماطوروش أى حاجة فى المنطقه لغاية ما جه حامورابى من بابل و اسس الدولة البابليه و قدر انه يوحد المنطقه و اسس شريعة حمورابى، لكن بعديها بفتره الحيثيين جم من الاناضول و اخدوها و بعدهم جم الكوشيين اللى قعدو 400 سنة و بعدهم الميتانيين و بعدهم الاشوريين اللى استولو على بابل سنة (1225 ق.م) و بعدين جم الفرس و اليونانيون و اسكندر الاكبر، و الدوله السيلوقيه، والفرس الساسانيين في الفتره اللى سبقت الإسلام مباشرة.
    العراق بعد دخول الاسلام
    وصل الاسلام العراق فى عصر الخليفه عمر بن الخطاب امير المؤمنين. و شافت العراق احداث كتيرة فى الفتره دى و استشهد فيها الامام الحسين رضي الله عنه في كربلاء. اتأسست فى بغداد الخلافه العباسيه و فضلت عاصمة للعباسيين و مركز ثقافى مهم و بالذات في ايام الخليفه هارون الرشيد لكن بعده قام صراع بين ولاده الأمين و المأمون انتهى بقتل الأمين سنة 813 و اتدمرت بغداد و حل بيها الخراب. بعد وفاة الخليفه الواثق بالله (842-847) اتدخل الترك فى الحكم وقام بينهم و بين الخليفه المتوكل صراع انتهى بقتله سنة 861 و سيطرو على الحكم لمدة قرن، و قامت ثورات العلويين و ثورة الزنج (868-883) و ثورات القرامطه. سيطر البويهيين على الحكم من 945 ل 1055 و بعدهم الترك السلاجقه من 1055 ل 1194، فى سنة (1258) دمر المغول بغداد و قتلو الألاف من سكانها و احتلوها (سقوط بغداد (1258)) و ضموها لامبراطوريتهم و بقت جزء من إيلخانية فارس، و اتنقلت الخلافه العباسيه للقاهره فى مصر فى عهد سلطان مصر الظاهر بيبرس، و من وقتها تقريباً ما نهضتش العراق تانى و فضلت مكان للصراعات و المآسى و الخراب، و غزاها تيمورلنك سنة 1400 و دمر بغداد تانى، و غزاها الفرس سنة 1508 فى عهد الشاه اسماعيل الصفوى، و استمر حال العراق على كده و اتناوب على حكمها الفرس و الترك لغاية ما استولى عليها الاتراك العثمانيين سنة 1534 و قسموها ل 3 ولايات بغداد و الموصل و البصرة و بقت خاضعه للسلطان العثمانى فى الاستانه، و بعدين اخدها الايرانيين تانى سنة 1623 و بعدين الاتراك اللى فضلو يحكموها لغاية الحرب العالميه الاولى سنة 1914 فاستولى عليها الانجليز و بعدين غزاها الامريكان سنة 2003 و بقت مهدده بالتقسيم فى ظل احتلال و صراعات مذهبيه و اثنيه.
    مملكة العراق
    بعد ما خلصت الحرب العالميه الاولى بريطانيا خدت الانتداب على العراق من مؤتمر سان ريمو سنة 1920 و نصبت الملك فيصل على عرش العراق سنة 1921.
    الملوك اللى حكمو كانو:

    1. فيصل الأول بن الشريف حسين: مات فى ظروف غامضه سنة 1933
    2. غازى الأول: اتقتل فى حادثة عربيه غامضه سنة 1939
    3. فيصل التانى: اتقتل هو و ولى عهده و رئيس الوزرا نورى السعيد وغيرهم فى 14 يوليو 1958 و قام النظام الجمهورى فى العراق بزعامة عبد الكريم قاسم


    الجمهوريه العراقيه
    بعد ما اتقتل فيصل التانى حكم عبد الكريم قاسم كرئيس جمهوريه و فضل الحكم عسكري بقيادته، و فى سنة 1962 ثار الاكراد بقيادة مصطفى البرزانى و حصل انقلاب تانى سنة 1963 و اتعدم عبد الكريم قاسم و حكم حزب البعث من ساعتها لحد 2003 قبل ما تتدمر تانى. و استمرت الصراعات و الانقلابات فيها، معظم الانقلابات دى كانت دمويه و خرج منها رؤسائها:

    1. عبد الكريم قاسم: حكم من 14 يوليه 1958 لغاية ما اتعدم سنة 1963.
    2. عبد السلام عارف: حكم من 1963 لغاية ما اتقتل فى حادثة هليوكوبتر سنة 1966.
    3. عبد الرحمن عارف: حكم من 1966 لغاية ما اتقبض عليه و اتنفى سنة 1968.
    4. احمد حسن البكر: حكم من 1968 لغاية ما استقال سنة 1979 و اتحددت اقامته لحد وفاته.
    5. صدام حسين المجيد: حكم من 1979 لغاية 2003، اتقبض عليه بعد ما استخبى فى حفره و اتعدم سنة 2006.
      (غزو العراق سنة 2003 و بعده تشكيل مجلس الحكم الانتقالى 2004)
    6. غازي الياور: عينه رئيس سلطة الاحتلال الامريكى پول بريمر رئيس لغاية 2005.
    7. جلال طالبانى


    mimo.6star
    عضو نشيط
    عضو نشيط

    . :
    عدد المساهمات : 102
    العمر : 24
    الدولة : الجزائر بلد العزة و الكرامة
    المزاج :
    الساعة الآن :

    متميز رد: العراق

    مُساهمة من طرف mimo.6star في الأحد أغسطس 22, 2010 7:58 am

    بارك الله فيك فعلا معلومات قيمو كفيت و وفيت
    بكن ارجوا ان تظع مصدر الموضوع من فضلك اخي في المرات القادمة

    معزالدين
    المدير
    المدير

    . :
    عدد المساهمات : 182
    العمر : 19
    الدولة : الجزائر بلد العزة و الكرامة
    المزاج :
    الساعة الآن :

    متميز رد: العراق

    مُساهمة من طرف معزالدين في الأحد أغسطس 22, 2010 10:21 am

    مشكور
    المصدر ويكبيديا

      الوقت/التاريخ الآن هو الثلاثاء ديسمبر 06, 2016 10:12 am